aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil mera tir-e-sitam-gar ka nishana ho gaya

Bhartendu Harishchandra

dil mera tir-e-sitam-gar ka nishana ho gaya

Bhartendu Harishchandra

MORE BYBhartendu Harishchandra

    dil mirā tīr-e-sitamgar nishāna ho gayā

    āfat-e-jāñ mere haq meñ dil lagānā ho gayā

    ho gayā lāġhar jo us lailā-adā ke ishq meñ

    misl-e-majnūñ haal merā bhī fasāna ho gayā

    ḳhāksārī ne dikhāyā ba.ad murdan bhī uruuj

    āsmāñ turbat par mere shāmiyāna ho gayā

    ḳhvāb-e-ġhaflat se zarā dekho to kab chauñke haiñ ham

    qāfila mulk-e-adam ko jab ravāna ho gayā

    fasl-e-gul meñ bhī rihā.ī na kuchh sūrat huī

    qaid meñ sayyād mujh ko ik zamāna ho gayā

    dil jalāyā sūrat-e-parvāna jab se ishq meñ

    farz tab se sham.a par aañsū bahāna ho gayā

    aaj tak ai dil javāb-e-ḳhat na bhejā yaar ne

    nāma-bar ko bhī ga.e kitnā zamāna ho gayā

    pās-e-rusvā.ī se dekho paas aa sakte nahīñ

    raat aa.ī niiñd tum ko bahāna ho gayā

    ho pareshānī sar-e-mū bhī na zulf-e-yār ko

    is liye merā dil-e-sad-chāk shāna ho gayā

    ba.ad murdan kaun aatā hai ḳhabar ko ai 'rasā'

    ḳhatm bas kunj-e-lahad tak dostāna ho gayā

    dil mera tir-e-sitamgar ka nishana ho gaya

    aafat-e-jaan mere haq mein dil lagana ho gaya

    ho gaya laghar jo us laila-ada ke ishq mein

    misl-e-majnun haal mera bhi fasana ho gaya

    KHaksari ne dikhaya baad murdan bhi uruj

    aasman turbat par mere shamiyana ho gaya

    KHwab-e-ghaflat se zara dekho to kab chaunke hain hum

    qafila mulk-e-adam ko jab rawana ho gaya

    fasl-e-gul mein bhi rihai ki na kuchh surat hui

    qaid mein sayyaad mujh ko ek zamana ho gaya

    dil jalaya surat-e-parwana jab se ishq mein

    farz tab se shama par aansu bahana ho gaya

    aaj tak ai dil jawab-e-KHat na bheja yar ne

    nama-bar ko bhi gae kitna zamana ho gaya

    pas-e-ruswai se dekho pas aa sakte nahin

    raat aai nind ka tum ko bahana ho gaya

    ho pareshani sar-e-mu bhi na zulf-e-yar ko

    is liye mera dil-e-sad-chaak shana ho gaya

    baad murdan kaun aata hai KHabar ko ai 'rasa'

    KHatm bas kunj-e-lahad tak dostana ho gaya

    Source:

    Bhartendu Samagr (Pg. 270)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now