dil pe jo guzre hai mere aah main kis se kahun

dil pe jo guzre hai mere aah maiñ kis se kahūñ

kyā karūñ maiñ ai mire allāh maiñ kis se kahūñ

jab na tum hī hāl-e-dil merā kabhī aa kar suno

to ye farmāo mujhe, allāh maiñ kis se kahūñ

mere sāhib ke zarā se rabt par bigḌeñ na ġhair

ġhair se tum se jo kuchh hai raah maiñ kis se kahūñ

dosto ab kahne sunñe se nahīñ kuchh fā.eda

vo to mere ġham se hai āgāh maiñ kis se kahūñ

yuuñ hī nāhaq sar phirāte haiñ mirā aa aa ke log

haal apnā ai but-e-gumrāh maiñ kis se kahūñ

be-qarārī kā sabab apnī kahūñ kis se 'nizām'

dil pe jo hai sadma-e-jāñ-kāh maiñ kis se kahūñ

dil pe jo guzre hai mere aah main kis se kahun

kya karun main ai mere allah main kis se kahun

jab na tum hi haal-e-dil mera kabhi aa kar suno

to ye farmao mujhe, allah main kis se kahun

mere sahib ke zara se rabt par bigDen na ghair

ghair se tum se jo kuchh hai rah main kis se kahun

dosto ab kahne sunne se nahin kuchh faeda

wo to mere gham se hai aagah main kis se kahun

yun hi nahaq sar phiraate hain mera aa aa ke log

haal apna ai but-e-gumrah main kis se kahun

be-qarari ka sabab apni kahun kis se 'nizam'

dil pe jo hai sadma-e-jaan-kah main kis se kahun