aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil se KHayal-e-dost bhulaya na jaega

Altaf Hussain Hali

dil se KHayal-e-dost bhulaya na jaega

Altaf Hussain Hali

MORE BYAltaf Hussain Hali

    dil se ḳhayāl-e-dost bhulāyā na jā.egā

    siine meñ daaġh hai ki miTāyā na jā.egā

    tum ko hazār sharm sahī mujh ko laakh zabt

    ulfat vo raaz hai ki chhupāyā na jā.egā

    ai dil razā-e-ġhair hai shart-e-razā-e-dost

    zinhār bār-e-ishq uThāyā na jā.egā

    dekhī haiñ aisī un bahut mehrbāniyāñ

    ab ham se muñh meñ maut ke jaayā na jā.egā

    mai tund o zarf-e-hausla-e-ahl-e-bazm tañg

    saaqī se jaam bhar ke pilāyā na jā.egā

    raazī haiñ ham ki dost se ho dushmanī magar

    dushman ko ham se dost banāyā na jā.egā

    kyuuñ chheḌte ho zikr na milne raat ke

    pūchheñge ham sabab to batāyā na jā.egā

    bigḌeñ na baat baat pe kyuuñ jānte haiñ vo

    ham vo nahīñ ki ham ko manāyā na jā.egā

    milnā hai aap se to nahīñ hasr ġhair par

    kis kis se iḳhtilāt baḌhāyā na jā.egā

    maqsūd apnā kuchh na khulā lekin is qadar

    ya.anī vo DhūñDte haiñ jo paayā na jā.egā

    jhagḌoñ meñ ahl-e-dīñ ke na 'hālī' paḌeñ bas aap

    qissa huzūr se ye chukāyā na jā.egā

    dil se KHayal-e-dost bhulaya na jaega

    sine mein dagh hai ki miTaya na jaega

    tum ko hazar sharm sahi mujh ko lakh zabt

    ulfat wo raaz hai ki chhupaya na jaega

    ai dil raza-e-ghair hai shart-e-raza-e-dost

    zinhaar bar-e-ishq uThaya na jaega

    dekhi hain aisi un ki bahut mehrbaniyan

    ab hum se munh mein maut ke jaya na jaega

    mai tund o zarf-e-hausla-e-ahl-e-bazm tang

    saqi se jam bhar ke pilaya na jaega

    raazi hain hum ki dost se ho dushmani magar

    dushman ko hum se dost banaya na jaega

    kyun chheDte ho zikr na milne ka raat ke

    puchhenge hum sabab to bataya na jaega

    bigDen na baat baat pe kyun jaante hain wo

    hum wo nahin ki hum ko manaya na jaega

    milna hai aap se to nahin hasr ghair par

    kis kis se iKHtilat baDhaya na jaega

    maqsud apna kuchh na khula lekin is qadar

    yani wo DhunDte hain jo paya na jaega

    jhagDon mein ahl-e-din ke na 'haali' paDen bas aap

    qissa huzur se ye chukaya na jaega

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now