din hai bhaari gham-e-furqat ke giraftaron par

din hai bhārī ġham-e-furqat ke giraftāroñ par

raat kaTtī hai dahakte hue angāroñ par

husn vāloñ kī ḳhudā.ī hai ḳhudā.ī barham

kis ko rahm aa.e mohabbat ke gunah-gāroñ par

phūñk de barq nasheman ko chamak kar na Darā.e

āñkheñ ab rakkhī nahīñ jaatī haiñ angāroñ par

dil kī qīmat nahīñ koī ki yahī ek hai dil

maiñ ne ḳhud chhoḌ diyā mol ḳharīdāroñ par

āshiqī ko jo gadā.ī se milāyā na 'razā'

to ra.ūnat kā bhī ilzām hai ḳhuddāroñ par

din hai bhaari gham-e-furqat ke giraftaron par

raat kaTti hai dahakte hue angaron par

husn walon ki KHudai hai KHudai barham

kis ko rahm aae mohabbat ke gunah-garon par

phunk de barq nasheman ko chamak kar na Darae

aankhen ab rakkhi nahin jati hain angaron par

dil ki qimat nahin koi ki yahi ek hai dil

main ne KHud chhoD diya mol KHaridaron par

aashiqi ko jo gadai se milaya na 'raza'

to raunat ka bhi ilzam hai KHuddaron par