diya jo saqi ne saghar-e-mai dikha ke aan ek hamein labaalab
diya jo saqi ne saghar-e-mai dikha ke aan ek hamein labaalab
Nazeer Akbarabadi
MORE BYNazeer Akbarabadi
diyā jo saaqī ne sāġhar-e-mai dikhā ke aan ik hameñ labālab
agarche mai-kash to ham na.e the pa lab pe rakhte hī pī ga.e sab
chale haiñ dene ko ham jise dil vo hañs ke le le bas ab hameñ to
yahī hai ḳhvāhish yahī tamannā yahī hai maqsad yahī hai matlab
kabhī jo aate haiñ dekhne ham to aap tevrī ko haiñ chaḌhāte
jo har-dam aaveñ to kiije ḳhafgī miyāñ ham aate haiñ aise kab kab
na pī thī ham ne ye mai to jab tak 'nazīr' ham meñ thā dīn-o-īmāñ
lagā laboñ se vo jaam phir to kahāñ kā diin aur kahāñ kā maz.hab
diya jo saqi ne saghar-e-mai dikha ke aan ek hamein labaalab
agarche mai-kash to hum nae the pa lab pe rakhte hi pi gae sab
chale hain dene ko hum jise dil wo hans ke le le bas ab hamein to
yahi hai KHwahish yahi tamanna yahi hai maqsad yahi hai matlab
kabhi jo aate hain dekhne hum to aap tewri ko hain chaDhate
jo har-dam aawen to kije KHafgi miyan hum aate hain aise kab kab
na pi thi hum ne ye mai to jab tak 'nazir' hum mein tha din-o-iman
laga labon se wo jam phir to kahan ka din aur kahan ka mazhab
Source:
Deewan-e-Nazeer Akbarabadi (Pg. page-32 ebook-75)
-
- Edition: 1942
- Publisher: Anjuman Taraqqi Urdu (Hind), Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.