do jhuki aankhon ka pahuncha jab mere dil ko salam
do jhukī āñkhoñ kā pahuñchā jab mire dil ko salām
yuuñ lagā hai dopahar meñ jaise dar aa.ī ho shaam
us ke hoñToñ kā kiyā jab zikr mere sher ne
har samā.at ke laboñ se jā lagā labrez jaam
jaise sajde meñ koī gir kar na uTThe der tak
yuuñ girī āñkhoñ pe palkeñ sun ke ik kāfir kā naam
dukh kisī kā ho use dhaḌkan meñ apnī sīñch le
kis ne sauñpā hai mire dil ko ye pāgal-pan kā kaam
ab to jī meñ hai ki har dukh par lagā.ūñ qahqaha
ho ga.ī haiñ shahr meñ āñsū-bharī āñkheñ to aam
harf jaise ho ga.e saare munāfiq ek dam
kaun se lafzoñ meñ samjhā.ūñ tumheñ dil kā payām
is qadar jaldī bhī kyā 'shahzād' thī āḳhir batā
kyā bigaḌtā saath gar tū aur chaltā chand gaam
do jhuki aankhon ka pahuncha jab mere dil ko salam
yun laga hai dopahar mein jaise dar aai ho sham
us ke honTon ka kiya jab zikr mere sher ne
har samaat ke labon se ja laga labrez jam
jaise sajde mein koi gir kar na uTThe der tak
yun giri aankhon pe palken sun ke ek kafir ka nam
dukh kisi ka ho use dhaDkan mein apni sinch le
kis ne saunpa hai mere dil ko ye pagal-pan ka kaam
ab to ji mein hai ki har dukh par lagaun qahqaha
ho gai hain shahr mein aansu-bhari aankhen to aam
harf jaise ho gae sare munafiq ek dam
kaun se lafzon mein samjhaun tumhein dil ka payam
is qadar jaldi bhi kya 'shahzad' thi aaKHir bata
kya bigaDta sath gar tu aur chalta chand gam
Source:
Aaina Jhuta hai (Pg. 49)
- Author: Farhat Shahzad
-
- Edition: 1997
- Publisher: Al-hamd Publication
- Year of Publication: 1997
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
