Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

donon gharon ka lutf judagana mil gaya

Nooh Narvi

donon gharon ka lutf judagana mil gaya

Nooh Narvi

MORE BYNooh Narvi

    donoñ gharoñ lutf judāgāna mil gayā

    ka.abe se ham chale the ki but-ḳhāna mil gayā

    saaqī se yuuñ subūt-e-karīmāna mil gayā

    paimāna maiñ ne māñgā thā mai-ḳhāna mil gayā

    dil kyuuñ na ham faroḳht kareñ is yaqīn par

    qīmat bhī ab milegī jo bai.āna mil gayā

    saaqī chashm-e-mast idhar aaj uTh ga.ī

    ham ko hamāre zarf paimāna mil gayā

    karnī paḌī na aur kahīñ justujū mujhe

    ka.abe ke hudūd meñ but-ḳhāna mil gayā

    mahshar meñ dekh kar unheñ yuuñ shaad ho ga.e

    goyā hameñ najāt parvāna mil gayā

    mil kar bhī jal gayā ki bachā ye na pūchhiye

    itnā huā ki sham.a se parvāna mil gayā

    ab dar-ba-dar Thokareñ khāne se kyā ġharaz

    mujh ko ḳhudā-e-ka.aba-o-but-ḳhāna mil gayā

    allāh re chashm-e-sāqī-e-mahfil lutf-e-ḳhās

    sab yuuñ rah ga.e mujhe paimāna mil gayā

    vo ḳhat meñ likh rahe haiñ tirī āfiyat nahīñ

    mujh ko adam raah parvāna mil gayā

    ai sāilkān-e-jāda-e-irfāñ baḌhe chalo

    but-ḳhāna mil gayā to ḳhudā-ḳhāna mil gayā

    tauqīr-e-ishq ḳhaak uḌāne se baḌh ga.ī

    ye hai ġhalat ki ḳhaak meñ dīvāna mil gayā

    paa.e uruuj kyuuñ na hamārī farotanī

    phūlā phalā vo ḳhaak meñ jo daana mil gayā

    josh-e-junūñ ke vāste ab kuchh na chāhiye

    vīrāne talāsh thī vīrāna mil gayā

    paimāna-o-subū zarūrat nahīñ rahī

    mujh ko mizāj-e-sāqī-e-mai-ḳhāna mil gayā

    marqad se kushtagān-e-mohabbat nikal chuke

    ab hashr tak ke vāste kāshāna mil gayā

    ma.alūm ham ne kar liye asrār-e-husn-o-ishq

    taqdīr se agar koī dīvāna mil gayā

    rakh ḳhudā-e-ishq ne josh-e-junūñ sharm

    ghar se nikalte mujhe vīrāna mil gayā

    vo kah ga.e ki phir koī tūfān uThā.e

    ai 'nūh' mujh ko shaġhl-e-qadīmāna mil gayā

    donon gharon ka lutf judagana mil gaya

    kabe se hum chale the ki but-KHana mil gaya

    saqi se yun subut-e-karimana mil gaya

    paimana main ne manga tha mai-KHana mil gaya

    dil kyun na hum faroKHt karen is yaqin par

    qimat bhi ab milegi jo baiana mil gaya

    saqi ki chashm-e-mast idhar aaj uTh gai

    hum ko hamare zarf ka paimana mil gaya

    karni paDi na aur kahin justuju mujhe

    kabe hi ke hudud mein but-KHana mil gaya

    mahshar mein dekh kar unhen yun shad ho gae

    goya hamein najat ka parwana mil gaya

    mil kar bhi jal gaya ki bacha ye na puchhiye

    itna hua ki shama se parwana mil gaya

    ab dar-ba-dar ki Thokaren khane se kya gharaz

    mujh ko KHuda-e-kaba-o-but-KHana mil gaya

    allah re chashm-e-saqi-e-mahfil ka lutf-e-KHas

    sab yun hi rah gae mujhe paimana mil gaya

    wo KHat mein likh rahe hain teri aafiyat nahin

    mujh ko adam ki rah ka parwana mil gaya

    ai sailkan-e-jada-e-irfan baDhe chalo

    but-KHana mil gaya to KHuda-KHana mil gaya

    tauqir-e-ishq KHak uDane se baDh gai

    ye hai ghalat ki KHak mein diwana mil gaya

    pae uruj kyun na hamari farotani

    phula phala wo KHak mein jo dana mil gaya

    josh-e-junun ke waste ab kuchh na chahiye

    virane ki talash thi virana mil gaya

    paimana-o-subu ki zarurat nahin rahi

    mujh ko mizaj-e-saqi-e-mai-KHana mil gaya

    marqad se kushtagan-e-mohabbat nikal chuke

    ab hashr tak ke waste kashana mil gaya

    malum hum ne kar liye asrar-e-husn-o-ishq

    taqdir se agar koi diwana mil gaya

    rakh li KHuda-e-ishq ne josh-e-junun ki sharm

    ghar se nikalte hi mujhe virana mil gaya

    wo kah gae ki phir koi tufan uThae

    ai 'nuh' mujh ko shaghl-e-qadimana mil gaya

    Source :
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now