donon hain un ke hijr ka hasil liye hue
donoñ haiñ un ke hijr kā hāsil liye hue
dil ko hai dard dard ko hai dil liye hue
dekhā ḳhudā pe chhoḌ ke kashtī ko nāḳhudā
jaise ḳhud aa gayā koī sāhil liye hue
dekho hamāre sabr kī himmat na TuuT jaa.e
tum raat din satāo magar dil liye hue
vo shab bhī yaad hai ki maiñ pahuñchā thā bazm meñ
aur tum uThe the raunaq-e-mahfil liye hue
apnī zarūriyāt haiñ apnī zarūriyāt
aanā paḌā tumheñ talab-e-dil liye hue
baiThā jo dil to chāñd dikhā kar kahā 'qamar'
vo sāmne charāġh hai manzil liye hue
donon hain un ke hijr ka hasil liye hue
dil ko hai dard dard ko hai dil liye hue
dekha KHuda pe chhoD ke kashti ko naKHuda
jaise KHud aa gaya koi sahil liye hue
dekho hamare sabr ki himmat na TuT jae
tum raat din satao magar dil liye hue
wo shab bhi yaad hai ki main pahuncha tha bazm mein
aur tum uThe the raunaq-e-mahfil liye hue
apni zaruriyat hain apni zaruriyat
aana paDa tumhein talab-e-dil liye hue
baiTha jo dil to chand dikha kar kaha 'qamar'
wo samne charagh hai manzil liye hue
Source:
Auj-Qamar (Pg. 21)
- Author: Ustad Sayed Mohd. Hussain Qamar Jalalvi
-
- Edition: 1952
- Publisher: Shaikh Shokat Ali And Sons
- Year of Publication: 1952
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
