dosto waqt hai phir zaKHm-e-jigar taza karen

dosto vaqt hai phir zaḳhm-e-jigar taaza kareñ

parda jumbish meñ hai phir aao nazar taaza kareñ

tā-kujā nāla-e-ġhurbat ki chalī bād-e-shimāl

dil meñ phir zamzama-e-azm-e-safar taaza kareñ

aao phir dhuum se ho aaj ġhurūb aur tulū

sunnat-e-bandagi-e-shams-o-qamar taaza kareñ

aao chal kar ruḳh-e-nā-shusta ko dekheñ dam-e-sub.h

mauj-e-rañg-e-ufuq o nūr-e-sahar taaza kareñ

kulah-e-faqr ko kaj kar ke sar-e-bazm-e-nashāt

aao rasm-e-kohn-e-tāj-o-kamar taaza kareñ

aao phir jalva-e-jānāñ pe luTā deñ kaunain

shuġhl-e-pārīna-e-arbāb-e-nazar taaza kareñ

tabaq-e-zar meñ lagā kar pa-e-nazar-e-jānāñ

aao phir ābrū-e-lāl-o-guhar taaza kareñ

aao phir 'josh' ko de kar laqab-e-shāh-e-suḳhan

dil-o-dīn-e-suḳhan o jān-e-hunar taaza kareñ

dosto waqt hai phir zaKHm-e-jigar taza karen

parda jumbish mein hai phir aao nazar taza karen

ta-kuja nala-e-ghurbat ki chali baad-e-shimal

dil mein phir zamzama-e-azm-e-safar taza karen

aao phir dhum se ho aaj ghurub aur tulu

sunnat-e-bandagi-e-shams-o-qamar taza karen

aao chal kar ruKH-e-na-shusta ko dekhen dam-e-subh

mauj-e-rang-e-ufuq o nur-e-sahar taza karen

kulah-e-faqr ko kaj kar ke sar-e-bazm-e-nashat

aao rasm-e-kohn-e-taj-o-kamar taza karen

aao phir jalwa-e-jaanan pe luTa den kaunain

shughl-e-parina-e-arbab-e-nazar taza karen

tabaq-e-zar mein laga kar pa-e-nazar-e-jaanan

aao phir aabru-e-lal-o-guhar taza karen

aao phir 'josh' ko de kar laqab-e-shah-e-suKHan

dil-o-din-e-suKHan o jaan-e-hunar taza karen