dua kisi ki kare ya na mustajab kare

duā kisī kī kare yā na mustajāb kare

magar tū chāhe to zarre ko āftāb kare

gunāh bhī jo kare rashk-e-sad-savāb kare

jo nāravā ho use bhī ravā shabāb kare

mirī nazar ki jise chāhe be-naqāb kare

ḳhudā vo din to dikhā.e jo tū hijāb kare

mirā ye kaam ki merī talab musalsal sidq

tirā ye kaam ki jab chāhe kāmyāb kare

na ḳhauf-e-pursish-e-mahshar na fikr-e-roz-e-hisāb

bashar gunāh par aa.e to be-hisāb kare

ḳhirad se ban na paḌī kuchh to kah diyā dil se

ḳhudā tujhe tire maqsad meñ kāmyāb kare

'sahar' ko tauba se inkār to nahīñ lekin

nigāh-e-mast agar mā.il-e-sharāb kare

dua kisi ki kare ya na mustajab kare

magar tu chahe to zarre ko aaftab kare

gunah bhi jo kare rashk-e-sad-sawab kare

jo narawa ho use bhi rawa shabab kare

meri nazar ki jise chahe be-naqab kare

KHuda wo din to dikhae jo tu hijab kare

mera ye kaam ki meri talab musalsal sidq

tera ye kaam ki jab chahe kaamyab kare

na KHauf-e-pursish-e-mahshar na fikr-e-roz-e-hisab

bashar gunah par aae to be-hisab kare

KHirad se ban na paDi kuchh to kah diya dil se

KHuda tujhe tere maqsad mein kaamyab kare

'sahar' ko tauba se inkar to nahin lekin

nigah-e-mast agar mail-e-sharab kare