dukh diya hai jis ne dukh usko batana chahiye
dukh diyā hai jis ne dukh us ko batānā chāhiye
dil pe kyā guzrī hai mere ye sunānā chāhiye
is añdhere ko bahar-sūrat miTānā chāhiye
kuchh nahīñ to ab charāġh-e-dil jalānā chāhiye
farq-e-ḳhās-o-ām rindoñ meñ na ai saaqī rahe
mai-kada meñ daur ek aisā bhī aana chāhiye
dekh kar jis ko haqīqat rashk par majbūr ho
yuuñ tasavvur kī tarah paikar banānā chāhiye
bārgāh-e-mīr-o-sultāñ meñ rasā.ī ho na ho
dostoñ ke dil meñ ai 'tarzī' samānā chāhiye
dukh diya hai jis ne dukh us ko batana chahiye
dil pe kya guzri hai mere ye sunana chahiye
is andhere ko bahar-surat miTana chahiye
kuchh nahin to ab charagh-e-dil jalana chahiye
farq-e-KHas-o-am rindon mein na ai saqi rahe
mai-kada mein daur ek aisa bhi aana chahiye
dekh kar jis ko haqiqat rashk par majbur ho
yun tasawwur ki tarah paikar banana chahiye
bargah-e-mir-o-sultan mein rasai ho na ho
doston ke dil mein ai 'tarzi' samana chahiye
Source:
(Pg. 89)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
