duniya mein baqa nahin kisi ko
duniyā meñ baqā nahīñ kisī ko
marnā ik roz hai sabhī ko
vo kaun hai jo hai aib se paak
kyā koī burā kahe kisī ko
ma.alūm hai va.ade kī haqīqat
bhulā lete haiñ apne jī ko
ḳhud nūr-e-ḳhudā ho tum meñ paidā
dil se kho do agar ḳhudī ko
sau aiboñ kā ek aib hai ye
iflās ḳhudā na de kisī ko
mushkil nahīñ koī kaam lekin
himmat lāzim hai aadmī ko
sach kah de ki hai qusūr kis kā
munsif maiñ ne kiyā tujhī ko
maanā ki sharāb chhoḌī 'kaifī'
aisā to kaho na mai-kashī ko
duniya mein baqa nahin kisi ko
marna ek roz hai sabhi ko
wo kaun hai jo hai aib se pak
kya koi bura kahe kisi ko
malum hai wade ki haqiqat
bhula lete hain apne ji ko
KHud nur-e-KHuda ho tum mein paida
dil se kho do agar KHudi ko
sau aibon ka ek aib hai ye
iflas KHuda na de kisi ko
mushkil nahin koi kaam lekin
himmat lazim hai aadmi ko
sach kah de ki hai qusur kis ka
munsif main ne kiya tujhi ko
mana ki sharab chhoDi 'kaifi'
aisa to kaho na mai-kashi ko
Source:
Waridat (Pg. 515)
- Author: Dattatriya Kaifi
-
- Edition: 1941
- Publisher: Measures Ram Lal Soori and Son's, Anarkali, Lahore
- Year of Publication: 1941
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
