aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

duniya ne zar ke waste kya kuchh nahin kiya

Iqbal Sajid

duniya ne zar ke waste kya kuchh nahin kiya

Iqbal Sajid

MORE BYIqbal Sajid

    duniyā ne zar ke vāste kyā kuchh nahīñ kiyā

    aur ham ne shā.erī ke sivā kuchh nahīñ kiyā

    ġhurbat bhī apne paas hai aur bhuuk nañg bhī

    kaise kaheñ ki us ne atā kuchh nahīñ kiyā

    chup-chāp ghar ke sehn meñ faaqe bichhā diye

    rozī-rasāñ se ham ne gila kuchh nahīñ kiyā

    pichhle baras bhī boī thiiñ lafzoñ khetiyāñ

    ab ke baras bhī is ke sivā kuchh nahīñ kiyā

    ġhurbat tez aag pe aksar pakā.ī bhuuk

    ḳhush-hāliyoñ ke shahr meñ kyā kuchh nahīñ kiyā

    bastī meñ ḳhaak aḌaa.ī na sahrā meñ ham ga.e

    kuchh din se ham ne ḳhalq-e-ḳhudā kuchh nahīñ kiyā

    māñgī nahīñ kisī se bhī hamdardiyoñ bhiik

    'sājid' kabhī ḳhilāf-e-anā kuchh nahīñ kiyā

    duniya ne zar ke waste kya kuchh nahin kiya

    aur hum ne shaeri ke siwa kuchh nahin kiya

    ghurbat bhi apne pas hai aur bhuk nang bhi

    kaise kahen ki us ne ata kuchh nahin kiya

    chup-chap ghar ke sehn mein faqe bichha diye

    rozi-rasan se hum ne gila kuchh nahin kiya

    pichhle baras bhi boi thin lafzon ki khetiyan

    ab ke baras bhi is ke siwa kuchh nahin kiya

    ghurbat ki tez aag pe aksar pakai bhuk

    KHush-haaliyon ke shahr mein kya kuchh nahin kiya

    basti mein KHak aDai na sahra mein hum gae

    kuchh din se hum ne KHalq-e-KHuda kuchh nahin kiya

    mangi nahin kisi se bhi hamdardiyon ki bhik

    'sajid' kabhi KHilaf-e-ana kuchh nahin kiya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now