ejaz hai kisi ka ya gardish-e-zamana
Interesting Fact
Baal-e-Gibril
ejaaz hai kisī kā yā gardish-e-zamāna
TuuTā hai asia meñ sehr-e-firañgiyāna
tāmīr-e-āshiyāñ se maiñ ne ye raaz paayā
ahl-e-navā ke haq meñ bijlī hai āshiyāna
ye bandagī ḳhudā.ī vo bandagī gadā.ī
yā banda-e-ḳhudā ban yā banda-e-zamāna
ġhāfil na ho ḳhudī se kar apnī pāsbānī
shāyad kisī haram kā tū bhī hai āstāna
ai lā ilaah ke vāris baaqī nahīñ hai tujh meñ
guftār-e-dilbarāna kirdār-e-qāhirāna
terī nigāh se dil sīnoñ meñ kāñpte the
khoyā gayā hai terā jazb-e-qalañdarāna
rāz-e-haram se shāyad 'iqbāl' bā-ḳhabar hai
haiñ is kī guftugū ke andāz mahramāna
ejaz hai kisi ka ya gardish-e-zamana
TuTa hai asia mein sehr-e-firangiyana
tamir-e-ashiyan se main ne ye raaz paya
ahl-e-nawa ke haq mein bijli hai aashiyana
ye bandagi KHudai wo bandagi gadai
ya banda-e-KHuda ban ya banda-e-zamana
ghafil na ho KHudi se kar apni pasbani
shayad kisi haram ka tu bhi hai aastana
ai la ilah ke waris baqi nahin hai tujh mein
guftar-e-dilbarana kirdar-e-qahirana
teri nigah se dil sinon mein kanpte the
khoya gaya hai tera jazb-e-qalandarana
raaz-e-haram se shayad 'iqbaal' ba-KHabar hai
hain is ki guftugu ke andaz mahramana
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
