ek aayat paDh ke apne-ap par dam kar diya
ek aayat paḌh ke apne-āp par dam kar diyā
ham ne har chehre kī jānib dekhnā kam kar diyā
ehtirāman us ke qadmoñ meñ jhukā nādān maiñ
us ne merā qad hamesha ke liye kam kar diyā
mujh se auroñ kī judā.ī bhī sahī jaatī nahīñ
maiñ ne do bhīgī huī palkoñ ko bāham kar diyā
khil rahe haiñ mujh meñ duniyā ke sabhī nāyāb phuul
itnī sarkash ḳhaak ko kis abr ne nam kar diyā
kar rahe the ishq meñ suud o ziyāñ kā vo hisāb
un ke taḳhmīne ne merā dard bhī kam kar diyā
saath jitnī der rah luuñ kaun sā khultā hai vo
us ne dānista mire sheroñ ko mub.ham kar diyā
ek aayat paDh ke apne-ap par dam kar diya
hum ne har chehre ki jaanib dekhna kam kar diya
ehtiraman us ke qadmon mein jhuka nadan main
us ne mera qad hamesha ke liye kam kar diya
mujh se auron ki judai bhi sahi jati nahin
main ne do bhigi hui palkon ko baham kar diya
khil rahe hain mujh mein duniya ke sabhi nayab phul
itni sarkash KHak ko kis abr ne nam kar diya
kar rahe the ishq mein sud o ziyan ka wo hisab
un ke taKHmine ne mera dard bhi kam kar diya
sath jitni der rah lun kaun sa khulta hai wo
us ne danista mere sheron ko mubham kar diya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
