ایک دن خواب نگر جانا ہے
ایک دن خواب نگر جانا ہے
اور یونہی خاک بسر جانا ہے
عمر بھر کی یہ جو ہے بے خوابی
یہ اسی خواب کا ہرجانا ہے
گھر سے کس وقت چلے تھے ہم لوگ
خیر اب کون سا گھر جانا ہے
موت کی پہلی علامت صاحب
یہی احساس کا مر جانا ہے
کسی تقریب جدائی کے بغیر
ٹھیک ہے جاؤ اگر جانا ہے
شور کی دھول میں گم گلیوں سے
دل کو چپ چاپ گزر جانا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
