ek hī pal meñ badaltā hai nazāra saarā
aur is pal ke liye baaqī tamāshā saarā
zindagī ne na kisī imtihāñ ko dohrāyā
tajraba kaam hī aayā nahīñ apnā saarā
dhuup meñ jalnā hai us ko jo shajar ban ke jiye
us ke saa.e meñ rahe ḳhush ye zamāna saarā
us kī rahmat kā ḳhazāna vo luTā.e aise
jis ne māñgā nahīñ jo us ne vo paayā saarā
baḳhsh mujh ko na adhūrī koī ne.amat maulā
yā to dariyā hī de puurā yā to sahrā saarā
maiñ ne bāzār meñ puurā hī rakhā thā ḳhud ko
koī aisā na milā jis ne ḳharīdā saarā
aks sābūt to hai TuuTe hue shīshe meñ magar
ek TukḌā bhī gañvāyā to gañvāyā saarā
hotā hai bhiiḌ kī fitrat se madārī vāqif
jab talak ḳhatm na ho khel hai majma.a saarā
itnī vus.at nahīñ dāman meñ 'navā' ke yāroñ
pyaar kaise vo sameTe kaho itnā saarā
ek hi pal mein badalta hai nazara sara
aur is pal ke liye baqi tamasha sara
zindagi ne na kisi imtihan ko dohraya
tajraba kaam hi aaya nahin apna sara
dhup mein jalna hai us ko jo shajar ban ke jiye
us ke sae mein rahe KHush ye zamana sara
us ki rahmat ka KHazana wo luTae aise
jis ne manga nahin jo us ne wo paya sara
baKHsh mujh ko na adhuri koi neamat maula
ya to dariya hi de pura ya to sahra sara
main ne bazar mein pura hi rakha tha KHud ko
koi aisa na mila jis ne KHarida sara
aks sabut to hai TuTe hue shishe mein magar
ek TukDa bhi ganwaya to ganwaya sara
hota hai bhiD ki fitrat se madari waqif
jab talak KHatm na ho khel hai majma sara
itni wusat nahin daman mein 'nawa' ke yaron
pyar kaise wo sameTe kaho itna sara
Source:
Word File Mail By Salim Saleem
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.