ek mehman ka hijr tari hai
ek mehmāñ kā hijr taarī hai
mezbānī kī mashq jaarī hai
sirf halkī sī be-qarārī hai
aaj kī raat dil pe bhārī hai
koī panchhī koī shikārī hai
zinda rahne kī jañg jaarī hai
bas tire ġham kī ġham-gusārī hai
aur kyā shā.erī hamārī hai
aap karte haiñ shabnamī bāteñ
aur mirī pyaas reg-zārī hai
ab kahāñ dasht meñ junūñ vaale
jis ko dekho vahī shikārī hai
mere aañsū nahīñ haiñ lā-vāris
ik tabassum se rishte-dārī hai
ek mehman ka hijr tari hai
mezbani ki mashq jari hai
sirf halki si be-qarari hai
aaj ki raat dil pe bhaari hai
koi panchhi koi shikari hai
zinda rahne ki jang jari hai
bas tere gham ki gham-gusari hai
aur kya shaeri hamari hai
aap karte hain shabnami baaten
aur meri pyas reg-zari hai
ab kahan dasht mein junun wale
jis ko dekho wahi shikari hai
mere aansu nahin hain la-waris
ek tabassum se rishte-dari hai
Source:
Hijr Ki Dusri Dawa (Pg. 99)
- Author: Fahmi Badayuni
-
- Edition: First
- Publisher: Rekhta Publications
- Year of Publication: 2022
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
