ek na-maqbul qurbani hun main

ek nā-maqbūl qurbānī huuñ maiñ

sar-phirī ulfat meñ lā-sānī huuñ maiñ

maiñ chalā jaatā huuñ vaañ taklīf se

vo samajhte haiñ ki lā-sānī huuñ maiñ

kaan dharte hī nahīñ vo baat par

kab se masrūf-e-sanā-ḳhvānī huuñ maiñ

zindagī hai ik kirā.e kī ḳhushī

sūkhte tālāb kā paanī huuñ maiñ

mujh se baḌh kar kyā koī hogā amiir

qīmtī virse kī arzānī huuñ maiñ

chāñdnī rātoñ meñ yāroñ ke baġhair

chāñdnī rātoñ kī vīrānī huuñ maiñ

kahnā sunñā un se mujh ko kuchh nahīñ

sirf ik tamhīd-e-tūlānī huuñ maiñ

mujh ko pachhtānā nahīñ aatā 'adam'

ek daulat-mand nādānī huuñ maiñ

ek na-maqbul qurbani hun main

sar-phiri ulfat mein la-sani hun main

main chala jata hun wan taklif se

wo samajhte hain ki la-sani hun main

kan dharte hi nahin wo baat par

kab se masruf-e-sana-KHwani hun main

zindagi hai ek kirae ki KHushi

sukhte talab ka pani hun main

mujh se baDh kar kya koi hoga amir

qimti wirse ki arzani hun main

chandni raaton mein yaron ke baghair

chandni raaton ki virani hun main

kahna sunna un se mujh ko kuchh nahin

sirf ek tamhid-e-tulani hun main

mujh ko pachhtana nahin aata 'adam'

ek daulat-mand nadani hun main