aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ezar-e-yar pe zulf-e-siyah-fam nahin

Khwaja Mohammad Wazir

ezar-e-yar pe zulf-e-siyah-fam nahin

Khwaja Mohammad Wazir

MORE BYKhwaja Mohammad Wazir

    ezār-e-yār pe zulf-e-siyāh-fām nahīñ

    magar ye hashr din hai ki jis shaam nahīñ

    firāq-e-yār meñ dono se ham ko kaam nahīñ

    havas sahar nahīñ ārzū-e-shām nahīñ

    vilā-e-kāba-e-abrū se muñh ko kyā pherūñ

    namāz ḳhatm na ho jab talak salām nahīñ

    ye saif aap misl-e-parī-sahī-qad hai

    magar ye aib hai chaltī nahīñ ḳhirām nahīñ

    kaho na sarv ko ik zar-ḳharīd apnā

    kiyā jo bande ko āzād phir ġhulām nahīñ

    nahīñ i.āda-e-tā.at ko peshvā darkār

    qazā namāz ko kuchh hājat-e-imām nahīñ

    kisī tarah shab-e-furqat basar nahīñ hotī

    kuchh is ko gardish-e-ayyām se bhī kaam nahīñ

    jo us ne baat na ho gayā mujhe isbāt

    dahan vo tañg hai gunjā.ish-e-kalām nahīñ

    bujhī hai aab se kyā terī teġh-e-tez aañch

    ki ḳhūñfishāñ mire dil kabāb-e-ḳhām nahīñ

    phirī hai furqat-e-jānāñ meñ chashm-e-duḳhtar-e-raz

    ye gardish aañkh saaqī hai daur-e-jām nahīñ

    na dekhā naqsh qadam sadā-e-pā na sunī

    samand-e-umr koī subuk ḳhirām nahīñ

    barahna rahtī hai shamshīr-e-abrū-e-qātil

    misāl-e-teġh-e-ajal hājat-e-niyām nahīñ

    bañdheñ vo haath hinā se kiyā hai jin se shahīd

    kuchh aur yaar se manzūr intiqām nahīñ

    na daaġh do shab-e-furqat din ko naam na lo

    abhī charāġh na raushan karo ki shaam nahīñ

    jigar se siine se dil se guzar ga.ī dam meñ

    tirī tarah tirī talvār ko qayām nahīñ

    sitāra-e-falak-e-husn kahiye kam-sin hai

    abhī vo chāñd TukḌā mah-e-tamām nahīñ

    phire talab meñ jo duniyā vo nahīñ dīñ-dār

    misāl-e-dāna jo gardish meñ hai imaam nahīñ

    na ḳhatt-e-mus.haf-e-āriz mo'taqid ho 'vazīr'

    hurūf jis meñ hoñ allāh kalām nahīñ

    ezar-e-yar pe zulf-e-siyah-fam nahin

    magar ye hashr ka din hai ki jis ki sham nahin

    firaq-e-yar mein dono se hum ko kaam nahin

    hawas sahar ki nahin aarzu-e-sham nahin

    wila-e-kaba-e-abru se munh ko kya pherun

    namaz KHatm na ho jab talak salam nahin

    ye saif aap ki misl-e-pari-sahi-qad hai

    magar ye aib hai chalti nahin KHiram nahin

    kaho na sarw ko ek zar-KHarid hi apna

    kiya jo bande ko aazad phir ghulam nahin

    nahin iada-e-taat ko peshwa darkar

    qaza namaz ko kuchh hajat-e-imam nahin

    kisi tarah shab-e-furqat basar nahin hoti

    kuchh is ko gardish-e-ayyam se bhi kaam nahin

    jo us ne baat na ki ho gaya mujhe isbaat

    dahan wo tang hai gunjaish-e-kalam nahin

    bujhi hai aab se kya teri tegh-e-tez ki aanch

    ki KHunfishan mere dil ka kabab-e-KHam nahin

    phiri hai furqat-e-jaanan mein chashm-e-duKHtar-e-raz

    ye gardish aankh ki saqi hai daur-e-jam nahin

    na dekha naqsh qadam ka sada-e-pa na suni

    samand-e-umr sa koi subuk KHiram nahin

    barahna rahti hai shamshir-e-abru-e-qatil

    misal-e-tegh-e-ajal hajat-e-niyam nahin

    bandhen wo hath hina se kiya hai jin se shahid

    kuchh aur yar se manzur intiqam nahin

    na dagh do shab-e-furqat ka din ko nam na lo

    abhi charagh na raushan karo ki sham nahin

    jigar se sine se dil se guzar gai dam mein

    teri tarah teri talwar ko qayam nahin

    sitara-e-falak-e-husn kahiye kam-sin hai

    abhi wo chand ka TukDa mah-e-tamam nahin

    phire talab mein jo duniya ki wo nahin din-dar

    misal-e-dana jo gardish mein hai imam nahin

    na KHatt-e-mushaf-e-ariz ka mo'taqid ho 'wazir'

    huruf jis mein hon allah ka kalam nahin

    Source:

    Daftar-e-Fasahat (Pg. ebook-148 page-132)

    • Author: Khwaja Mohammad Wazir
      • Edition: 1847
      • Publisher: Matba Mustafai, Lucknow
      • Year of Publication: 1847
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now