faisle wo na jaane kaise the

faisle vo na jaane kaise the

raat kī raat ghar se nikle the

yaad aate haiñ ab bhī rah rah kar

shahr meñ kuchh to aise chehre the

kyā zamāna thā vo ki ham donoñ

ek-dūje kā dukh samajhte the

kis kaḌī dhuup ke safar meñ haiñ

naam peḌoñ pe jin ke likkhe the

jaane kis gul-badan kī yaad aa.ī

fasl-e-gul meñ udaas baiThe the

vaqt sā chāragar bhī haar gayā

hijratoñ ke to zaḳhm aise the

pahlī bārish hī le ga.ī 'fārūq'

rañg saare ke saare kachche the

faisle wo na jaane kaise the

raat ki raat ghar se nikle the

yaad aate hain ab bhi rah rah kar

shahr mein kuchh to aise chehre the

kya zamana tha wo ki hum donon

ek-duje ka dukh samajhte the

kis kaDi dhup ke safar mein hain

nam peDon pe jin ke likkhe the

jaane kis gul-badan ki yaad aai

fasl-e-gul mein udas baiThe the

waqt sa chaaragar bhi haar gaya

hijraton ke to zaKHm aise the

pahli barish hi le gai 'faruq'

rang sare ke sare kachche the