falak ne ranj tir-e-ah se mere zi-bas khencha

falak ne ranj tīr-e-āh se mere ze-bas kheñchā

laboñ tak dil se shab naale ko maiñ ne niim ras kheñchā

mire shoḳh-e-ḳharābātī kī kaifiyyat na kuchh pūchho

bahār-e-husn ko dī aab us ne jab charas kheñchā

rahā josh-e-bahār is fasl gar yūñhī to bulbul ne

chaman meñ dast-e-gul-chīñ se ajab ranj is baras kheñchā

kahā yuuñ sāhib-e-mahmil ne sun kar soz majnūñ kā

takalluf kyā jo naala be-asar misl-e-jaras kheñchā

nazākat rishta-e-ulfat kī dekho saañs dushman kī

ḳhabardār 'ārzū' Tuk garm kar tār-e-nafas kheñchā

falak ne ranj tir-e-ah se mere ze-bas khencha

labon tak dil se shab nale ko main ne nim ras khencha

mere shoKH-e-KHarabaati ki kaifiyyat na kuchh puchho

bahaar-e-husn ko di aab us ne jab charas khencha

raha josh-e-bahaar is fasl gar yunhi to bulbul ne

chaman mein dast-e-gul-chin se ajab ranj is baras khencha

kaha yun sahib-e-mahmil ne sun kar soz majnun ka

takalluf kya jo nala be-asar misl-e-jaras khencha

nazakat rishta-e-ulfat ki dekho sans dushman ki

KHabardar 'arzu' Tuk garm kar tar-e-nafas khencha