fasl-e-gul mein bhi wahi daur-e-KHizan hai ab ke

fasl-e-gul meñ bhī vahī daur-e-ḳhizāñ hai ab ke

kaisā ġham vaqt ke chehre se 'ayāñ hai ab ke

mash'aleñ haiñ na dhuāñ hai na sadā-e-nāqūs

kyā ḳhabar qāfila-e-dard kahāñ hai ab ke

zindagī vaqt ke dar tak jise le aa.ī thī

dhuñdlā dhuñdlā isī insāñ kā nishāñ hai ab ke

chārāgar rahm na kar is kī zarūrat kyā hai

merā har zaḳhm mire dil kī zabāñ hai ab ke

lāla-zāroñ se to gul-rañg lipaT aatī thī

dil ke vīrāne meñ har samt dhuāñ hai ab ke

mujh pe vo sāneha guzrā hai asīrān-e-qafas

apne saa.e se bhī vahshat kā gumāñ hai ab ke

sar-ba-zānū thiiñ tamannā.eñ na jaane kab se

chashm-e-'ummīd' bhī ḳhūñ-nāba-fashāñ hai ab ke

fasl-e-gul mein bhi wahi daur-e-KHizan hai ab ke

kaisa gham waqt ke chehre se 'ayan hai ab ke

mash'alen hain na dhuan hai na sada-e-naqus

kya KHabar qafila-e-dard kahan hai ab ke

zindagi waqt ke dar tak jise le aai thi

dhundla dhundla isi insan ka nishan hai ab ke

chaaragar rahm na kar is ki zarurat kya hai

mera har zaKHm mere dil ki zaban hai ab ke

lala-zaron se to gul-rang lipaT aati thi

dil ke virane mein har samt dhuan hai ab ke

mujh pe wo saneha guzra hai asiran-e-qafas

apne sae se bhi wahshat ka guman hai ab ke

sar-ba-zanu thin tamannaen na jaane kab se

chashm-e-'ummid' bhi KHun-naba-fashan hai ab ke