gahri aankhon mein ye kaisi hai bichhaDti mahfilon ki raushni
gahri aankhon mein ye kaisi hai bichhaDti mahfilon ki raushni
Mohammad Ajmal Niyazi
MORE BYMohammad Ajmal Niyazi
gahrī āñkhoñ meñ ye kaisī hai bichhaḌtī mahfiloñ kī raushnī
ajnabī logoñ meñ dekhī maiñ ne apne dostoñ kī raushnī
manziloñ par vo pahuñch kar bhī abhī tak manziloñ jaisā nahīñ
us kī sochoñ se bañdhī hai rāste ke manzaroñ kī raushnī
us ke mere darmiyāñ pākīzgī kā raqs to hotā nahīñ
ek parde kī tarah rahtī hai nañgī ḳhvāhishoñ kī raushnī
maiñ ne us ko ḳhvāb meñ dekhā to vo ik aur hī duniyā meñ thā
us ke har jānib bikhartī jā rahī thī rat-jagoñ kī raushnī
ab to us kā dard bhī 'ajmal' samundar kī tarah gahrā nahīñ
is jazīre meñ bhaTaktī hai akele sāhiloñ kī raushnī
gahri aankhon mein ye kaisi hai bichhaDti mahfilon ki raushni
ajnabi logon mein dekhi main ne apne doston ki raushni
manzilon par wo pahunch kar bhi abhi tak manzilon jaisa nahin
us ki sochon se bandhi hai raste ke manzaron ki raushni
us ke mere darmiyan pakizgi ka raqs to hota nahin
ek parde ki tarah rahti hai nangi KHwahishon ki raushni
main ne us ko KHwab mein dekha to wo ek aur hi duniya mein tha
us ke har jaanib bikharti ja rahi thi rat-jagon ki raushni
ab to us ka dard bhi 'ajmal' samundar ki tarah gahra nahin
is jazire mein bhaTakti hai akele sahilon ki raushni
Source:
Pakistani Adab (Pg. 666)
- Author: Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
