غیر کی بد گمانیوں پہ نہ جا
غیر کی بد گمانیوں پہ نہ جا
بے حقیقت کہانیوں پہ نہ جا
کھینچ لیتا ہے دامن احساس
پھول کی بے زبانیوں پہ نہ جا
اس کی غارت گری کو دھیان میں رکھ
عقل کی پاسبانیوں پہ نہ جا
صبر کی دوستی کو رکھ ملحوظ
جبر کی حکمرانیوں پہ نہ جا
خبث باطن کے زہر سے بھی بچ
محض شیریں بیانیوں پہ نہ جا
مستقل ظلم کا مداوا کر
عارضی مہربانیوں پہ نہ جا
روح کی بھی پکار سن اخترؔ
جسم کی کامرانیوں پہ نہ جا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
