ghairon mein hina wo mal raha hai

ġhairoñ meñ hinā vo mal rahā hai

nairañg-e-jahāñ badal rahā hai

khaTkā hai ye nashtar-e-mizhgāñ kā

rag rag se jo dam nikal rahā hai

vasf-e-lab-e-surḳh likh rahā huuñ

yāqūt qalam ugal rahā hai

ābādī-e-dil hai dāġh-e-sozāñ

is ghar meñ charāġh jal rahā hai

hai dil kī taḌap se chashm-e-pur-nam

paare kā kuaañ ubal rahā hai

dil ġham se na kis tarah ho ThanDā

pañkhā dam-e-sard jhal rahā hai

betāb hai dil ye ġham ke hāthoñ

geñde kī tarah uchhal rahā hai

shabnam se josh-e-mai-kashī hai

har sāġhar-e-gul khañgal rahā hai

dil ātish-e-ġham se taao khā kar

rāñge kī tarah pighal rahā hai

hai chashm-e-siyah meñ kūdak-e-ashk

bhañvre meñ ye tifl pal rahā hai

mankā hai Dhalā laveñ phirī haiñ

aa jald ki dam nikal rahā hai

be-barg-o-samar haiñ ik hamīñ 'shād'

har ek nihāl phal rahā hai

ghairon mein hina wo mal raha hai

nairang-e-jahan badal raha hai

khaTka hai ye nashtar-e-mizhgan ka

rag rag se jo dam nikal raha hai

wasf-e-lab-e-surKH likh raha hun

yaqut qalam ugal raha hai

aabaadi-e-dil hai dagh-e-sozan

is ghar mein charagh jal raha hai

hai dil ki taDap se chashm-e-pur-nam

pare ka kuan ubal raha hai

dil gham se na kis tarah ho ThanDa

pankha dam-e-sard jhal raha hai

betab hai dil ye gham ke hathon

gende ki tarah uchhal raha hai

shabnam se josh-e-mai-kashi hai

har saghar-e-gul khangal raha hai

dil aatish-e-gham se tao kha kar

range ki tarah pighal raha hai

hai chashm-e-siyah mein kudak-e-ashk

bhanwre mein ye tifl pal raha hai

manka hai Dhala lawen phiri hain

aa jald ki dam nikal raha hai

be-barg-o-samar hain ek hamin 'shad'

har ek nihaal phal raha hai