aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gale lagaen balaen len tumko pyar karen

Rind Lakhnavi

gale lagaen balaen len tumko pyar karen

Rind Lakhnavi

MORE BYRind Lakhnavi

    gale lagā.eñ balā.eñ leñ tum ko pyaar kareñ

    jo baat maano to minnat hazār baar kareñ

    ye haath kaise haiñ be-kār kuchh to car kareñ

    bahār aa.ī garebān taar taar kareñ

    kahāñ se laa.eñ ab us ko jo ham-kanār kareñ

    tasallī kyā tirī o jān-e-be-qarār kareñ

    vo rabt tum se baḌhā.eñ vo tum ko yaar kareñ

    hazār tarah ke jo jabr iḳhtiyār kareñ

    girā.e sail-e-anāsir chaar dīvārī

    ḳharāb ḳhāna-e-tan chashm-e-ashk-bār kareñ

    tumhāre dar se na māyūs jaa.eñ hājat-mand

    qubūl hove jo tauba gunāhgār kareñ

    kafan bhī ho gayā mailā dhare dhare ai maut

    tamām umr huī kab tak intizār kareñ

    ba-rañg-e-ġhuncha zabāñ hai dahāñ meñ zer-e-zabāñ

    tumhāre qaul kyā ḳhaak e'tibār kareñ

    gadā tire dar-e-daulat ke haiñ ye mustaġhnī

    jo saltanat bhī mile to na iḳhtiyār kareñ

    ġhurūr-e-husn se hargiz sunegā ek na gul

    chaman meñ naale agar bulbuleñ hazār kareñ

    sunā.e rakhtā huuñ sab ko mirī vasiyyat hai

    ki isī pe amal mere ġham-gusār kareñ

    charāġh-e-zīst jab us nañg-e-dūdmāñ ho gul

    aziiz sham.a na raushan sar-e-mazār kareñ

    tire sivā hai karīm aur rahīm kis zaat

    najāt kis se talab ham gunāhgār kareñ

    bajā.e-surma lagā.eñ ġhubār-e-kūcha-e-yār

    yahī ilaaj tirā chashm-e-ashk-bār kareñ

    sitam-shi.ār jafā-pesha be-muravvat hai

    sarāhi.ye jigar un ke jo tujh ko pyaar kareñ

    baḌhā ke likkheñ na shā.er hadīs-e-zulf-e-rasā

    huā hai tuul munāsib hai iḳhtisār kareñ

    dar-e-karīm se aatī hai muttasil ye sadā

    vo kyuuñ na paa.e jise ham umīd-vār kareñ

    ye but uThā.eñ jo qur.āñ bhī ka.abe meñ ai 'rind'

    ḳhudā se ham to hoñ munkir jo e'tibār kareñ

    gale lagaen balaen len tum ko pyar karen

    jo baat mano to minnat hazar bar karen

    ye hath kaise hain be-kar kuchh to car karen

    bahaar aai gareban tar tar karen

    kahan se laen ab us ko jo ham-kanar karen

    tasalli kya teri o jaan-e-be-qarar karen

    wo rabt tum se baDhaen wo tum ko yar karen

    hazar tarah ke jo jabr iKHtiyar karen

    girae sail-e-anasir ki chaar diwari

    KHarab KHana-e-tan chashm-e-ashk-bar karen

    tumhaare dar se na mayus jaen hajat-mand

    qubul howe jo tauba gunahgar karen

    kafan bhi ho gaya maila dhare dhare ai maut

    tamam umr hui kab tak intizar karen

    ba-rang-e-ghuncha zaban hai dahan mein zer-e-zaban

    tumhaare qaul ka kya KHak e'tibar karen

    gada tere dar-e-daulat ke hain ye mustaghni

    jo saltanat bhi mile to na iKHtiyar karen

    ghurur-e-husn se hargiz sunega ek na gul

    chaman mein nale agar bulbulen hazar karen

    sunae rakhta hun sab ko meri wasiyyat hai

    ki ta isi pe amal mere gham-gusar karen

    charagh-e-zist jab us nang-e-dudman ka ho gul

    aziz shama na raushan sar-e-mazar karen

    tere siwa hai karim aur rahim kis ki zat

    najat kis se talab hum gunahgar karen

    bajae-surma lagaen ghubar-e-kucha-e-yar

    yahi ilaj tera chashm-e-ashk-bar karen

    sitam-shiar jafa-pesha be-murawwat hai

    sarahiye jigar un ke jo tujh ko pyar karen

    baDha ke likkhen na shaer hadis-e-zulf-e-rasa

    hua hai tul munasib hai iKHtisar karen

    dar-e-karim se aati hai muttasil ye sada

    wo kyun na pae jise hum umid-war karen

    ye but uThaen jo quran bhi kabe mein ai 'rind'

    KHuda se hum to hon munkir jo e'tibar karen

    Source:

    Deewan-e-Rind(Guldast-e-ishq) (Rekhta Website) (Pg. 110)

    • Author: Rind Lakhnavi
      • Edition: 1931
      • Publisher: Munshi Nawal Kishor, Lucknow
      • Year of Publication: 1930
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now