galiyan udas khiDkiyan chup dar khule hue

galiyāñ udaas khiḌkiyāñ chup dar khule hue

uktā gayā huuñ maiñ to ye sab dekhte hue

hāthoñ pe likh ke chūmtā rahtā huuñ us kā naam

muddat guzar ga.ī hai jise ḳhat likhe hue

ḳhushbū-o-rañg āb-o-havā sāz-o-ḳhāmushī

kyā qāfile haiñ dasht-e-ḳhalā meñ ruke hue

kuchh pūchhtī haiñ peḌoñ kī sarsabz Tahniyāñ

kuchh kah rahe haiñ raah meñ patte gire hue

hāthoñ meñ le ke chaltā huuñ āñkhoñ kī mish.aleñ

har samt haiñ fazāoñ meñ chehre bane hue

muhtāj-e-abr-o-bād hue ahl-e-ḳhāk-dāñ

har chand is zamīñ meñ the dariyā chhupe hue

ai māvarā-e-fikr ab āvāz de ki ham

ḳhud se bichhaḌ ga.e haiñ tujhe DhūñDte hue

galiyan udas khiDkiyan chup dar khule hue

ukta gaya hun main to ye sab dekhte hue

hathon pe likh ke chumta rahta hun us ka nam

muddat guzar gai hai jise KHat likhe hue

KHushbu-o-rang aab-o-hawa saz-o-KHamushi

kya qafile hain dasht-e-KHala mein ruke hue

kuchh puchhti hain peDon ki sarsabz Tahniyan

kuchh kah rahe hain rah mein patte gire hue

hathon mein le ke chalta hun aankhon ki mishalen

har samt hain fazaon mein chehre bane hue

muhtaj-e-abr-o-baad hue ahl-e-KHak-dan

har chand is zamin mein the dariya chhupe hue

ai mawara-e-fikr ab aawaz de ki hum

KHud se bichhaD gae hain tujhe DhunDte hue