gham-e-hijr ke gae din guzar hua aaKHir apna visal hi

ġham-e-hijr ke ga.e din guzar huā āḳhir apnā visāl hī

pa ye kyā ġhazab hai pa.e-ḳhudā tujhe aaj tak hai malāl hī

hai anokhā us kā jamāl hī na vo badr hai na hilāl hī

nahīñ bantī koī misāl hī balaġhul-ulā-be-kamālehī

mirī aah ne ye kiyā asar ki vo aan kar hue jalva-gar

shab-e-tār-e-hijr huī sahar kashafuddujā-be-jamālehī

hai usī kī shaan meñ lā-fatā hai usī kī shaan meñ hal-atā

hai usī kī shaan meñ innamā-hasonat-jamī.o-ḳhisālehī

maiñ savāl-e-vasl huuñ kar rahā vo ye kahtā hai ki na mānūñgā

ye ajab tarah kā hai maḳhmasa ki na hijr hai na visāl hī

mujhe kis tarah na ḳhayāl ho ki na 'anjum' un ko malāl ho

kisī baat kā jo savāl ho nahīñ utnī apnī majāl hī

gham-e-hijr ke gae din guzar hua aaKHir apna visal hi

pa ye kya ghazab hai pae-KHuda tujhe aaj tak hai malal hi

hai anokha us ka jamal hi na wo badr hai na hilal hi

nahin banti koi misal hi balaghul-ula-be-kamalehi

meri aah ne ye kiya asar ki wo aan kar hue jalwa-gar

shab-e-tar-e-hijr hui sahar kashafudduja-be-jamalehi

hai usi ki shan mein la-fata hai usi ki shan mein hal-ata

hai usi ki shan mein innama-hasonat-jamio-KHisalehi

main sawal-e-wasl hun kar raha wo ye kahta hai ki na manunga

ye ajab tarah ka hai maKHmasa ki na hijr hai na visal hi

mujhe kis tarah na KHayal ho ki na 'anjum' un ko malal ho

kisi baat ka jo sawal ho nahin utni apni majal hi