gham hai aazar hai aziyyat hai
ġham hai āzār hai aziyyat hai
ek dil hai hazār aafat hai
husn rañgīni-e-hayāt sahī
ishq bhī aadmī kī fitrat hai
aaj allāh ko jāntā hai kaun
ḳhvāhish-o-hirs kī ibādat hai
terī kāfir adāoñ ko qātil
teġh-o-ḳhanjar kī kyā zarūrat hai
kuchh to farmā.iyegā banda-navāz
ḳhāmushī aap kī qayāmat hai
daur-e-hāzir ke aadmī kā chalan
bā.is-e-nañg-e-ādamiyat hai
ḳhuun din raat ro rahe haiñ 'naresh'
kyā yahī hāsil-e-mohabbat hai
gham hai aazar hai aziyyat hai
ek dil hai hazar aafat hai
husn rangini-e-hayat sahi
ishq bhi aadmi ki fitrat hai
aaj allah ko jaanta hai kaun
KHwahish-o-hirs ki ibaadat hai
teri kafir adaon ko qatil
tegh-o-KHanjar ki kya zarurat hai
kuchh to farmaiyega banda-nawaz
KHamushi aap ki qayamat hai
daur-e-hazir ke aadmi ka chalan
bais-e-nang-e-adamiyat hai
KHun din raat ro rahe hain 'naresh'
kya yahi hasil-e-mohabbat hai
Source:
Gham-e-Farda (Pg. 19)
- Author: Dr. Naresh
-
- Publisher: Naujot Publications, Panjab
- Year of Publication: 1976
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
