gar junūñ kar mujhe pāband-e-salāsil jaatā
paañv rakhne kā Thikānā to kahīñ mil jaatā
mar bhī jaatā to na merā maraz-e-sil jaatā
ġham-e-asnām kī chhātī pe dhare sil jaatā
ḳhatt-e-āriz jo tarashne se miTe hai ye muhāl
chhīlne se nahīñ qismat kā likhā chhil jaatā
chhūTtā iid ke din bhī na giraftāroñ ko
sūrat-e-tauq-e-gulū-gīr gale mil jaatā
jab chamaktī hai tirī teġh tabassum ai gul
dahan-e-zaḳhm hai ġhunche kī tarah khil jaatā
dil meñ hotā na mire daḳhl balā-e-kākul
saaya rahtā na kabhī girya makāñ kil jaatā
ra.asha-andām huuñ ye ḳhauf-e-ḳhudā se ai 'shād'
koī mujrim ho kaleja hai mirā hil jaatā
gar junun kar mujhe paband-e-salasil jata
panw rakhne ka Thikana to kahin mil jata
mar bhi jata to na mera maraz-e-sil jata
gham-e-asnam ki chhati pe dhare sil jata
KHatt-e-ariz jo tarashne se miTe hai ye muhaal
chhilne se nahin qismat ka likha chhil jata
chhuTta id ke din bhi na giraftaron ko
surat-e-tauq-e-gulu-gir gale mil jata
jab chamakti hai teri tegh tabassum ai gul
dahan-e-zaKHm hai ghunche ki tarah khil jata
dil mein hota na mere daKHl bala-e-kakul
saya rahta na kabhi girya makan kil jata
rasha-andam hun ye KHauf-e-KHuda se ai 'shad'
koi mujrim ho kaleja hai mera hil jata
Source:
Sukhan-e-Bemisal: Deewan-e-Shad (pdf) and website (Pg. p-11 e-17 pdf-11)
-
Author:
Shad Lakhnavi
-
- Edition: 1901
- Publisher: Matbaa Tasweer-e- Alam, Lucknow
- Year of Publication: 1901
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.