aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gar kahun matlab tumhaara khul gaya

Nizam Rampuri

gar kahun matlab tumhaara khul gaya

Nizam Rampuri

MORE BYNizam Rampuri

    gar kahūñ matlab tumhārā khul gayā

    kahte haiñ achchhā huā kyā khul gayā

    ġhair qismat khānī hai qasam

    band thā darvāza un khul gayā

    tum khule-bandoñ milo aġhyār se

    shukr paañv ab tumhārā khul gayā

    aa ga.ī be-parda vo sūrat nazar

    aañkh jab band pardā khul gayā

    ġhair se ab band ho kis baat par

    gāliyoñ par muñh tumhārā khul gayā

    khul gayā haal is dil-e-betāb

    muñh dupaTTe se jo un khul gayā

    hoñ ishāre ġhair se aur dekhūñ maiñ

    bait-e-abrū bhī ma.anā khul gayā

    nāma-bar! tere chhupāne se mujhe

    apnī qismat navishta khul gayā

    dil be-tābī ne rusvā kar diyā

    haa.e sab par raaz apnā khul gayā

    nāma-bar! gar ġhair ne dekhā nahīñ

    kaise phir ḳhat lifāfā khul gayā

    qudrat-e-haq se baḌhī ishrat shab

    shab jo us kāfir juuḌā khul gayā

    dekhiye kyā dil se dil ko raah hai

    raaz jo tum ne chhupāyā khul gayā

    jo na kahnā thā kahā sab kuchh 'nizām'

    raaz bātoñ meñ vo aisā khul gayā

    gar kahun matlab tumhaara khul gaya

    kahte hain achchha hua kya khul gaya

    ghair ki qismat ki khani hai qasam

    band tha darwaza un ka khul gaya

    tum khule-bandon milo aghyar se

    shukr panw ab tumhaara khul gaya

    aa gai be-parda wo surat nazar

    aankh ki jab band parda khul gaya

    ghair se ab band ho kis baat par

    galiyon par munh tumhaara khul gaya

    khul gaya haal is dil-e-betab ka

    munh dupaTTe se jo un ka khul gaya

    hon ishaare ghair se aur dekhun main

    bait-e-abru ka bhi mana khul gaya

    nama-bar! tere chhupane se mujhe

    apni qismat ka nawishta khul gaya

    dil ki be-tabi ne ruswa kar diya

    hae sab par raaz apna khul gaya

    nama-bar! gar ghair ne dekha nahin

    kaise phir KHat ka lifafa khul gaya

    qudrat-e-haq se baDhi ishrat ki shab

    shab jo us kafir ka juDa khul gaya

    dekhiye kya dil se dil ko rah hai

    raaz jo tum ne chhupaya khul gaya

    jo na kahna tha kaha sab kuchh 'nizam'

    raaz baaton mein wo aisa khul gaya

    Source:

    kulliyat-e-nizaam (Pg. 32)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now