ġhash bhī aayā mirī pursish ko qazā bhī aa.ī
be-muravvat tujhe kuchh sharm o hayā bhī aa.ī
mausam-e-husn to thā fasl-e-jafā bhī aa.ī
saath hī saath javānī kī adā bhī aa.ī
dam kā āñkhoñ meñ aTaknā bhī mubārak na huā
vaqt kī baat tum aa.e to qazā bhī aa.ī
maiñ shab-e-vasl ye samjhā ki sahar bhī kuchh hai
vo jo aa.e to mo.azzin kī sadā bhī aa.ī
un marīzoñ kī ayādat ko vo ab nikle haiñ
maut jā kar jinheñ miTTī meñ milā bhī aa.ī
kar diyā soz-e-darūñ ne mujhe sham.a sar-e-bazm
ban ga.ī dam pe agar paas havā bhī aa.ī
kaan yuuñ un ke bhare haiñ mirī fariyādoñ ne
naale samjhe jo koī aur sadā bhī aa.ī
phir bhī 'sāqib' na uḌī tāla-e-ḳhufta kī niind
aah jā kar mirī gardūñ ko hilā bhī aa.ī
ghash bhi aaya meri pursish ko qaza bhi aai
be-murawwat tujhe kuchh sharm o haya bhi aai
mausam-e-husn to tha fasl-e-jafa bhi aai
sath hi sath jawani ki ada bhi aai
dam ka aankhon mein aTakna bhi mubarak na hua
waqt ki baat tum aae to qaza bhi aai
main shab-e-wasl ye samjha ki sahar bhi kuchh hai
wo jo aae to moazzin ki sada bhi aai
un marizon ki ayaadat ko wo ab nikle hain
maut ja kar jinhen miTTi mein mila bhi aai
kar diya soz-e-darun ne mujhe shama sar-e-bazm
ban gai dam pe agar pas hawa bhi aai
kan yun un ke bhare hain meri fariyaadon ne
nale samjhe jo koi aur sada bhi aai
phir bhi 'saqib' na uDi tala-e-KHufta ki nind
aah ja kar meri gardun ko hila bhi aai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.