ghabra gae hain waqt ki tanhaiyon se hum
ghabrā ga.e haiñ vaqt kī tanhā.iyoñ se ham
uktā chuke haiñ apnī hī parchhā.iyoñ se ham
saaya mere vajūd kī had se guzar gayā
ab ajnabī haiñ aap shanāsā.iyoñ se ham
ye soch kar hī ḳhud se muḳhātib rahe sadā
kyā guftugū kareñge tamāshā.iyoñ se ham
ab deñge kyā kisī ko ye jhoñke bahār ke
māñgeñge dil ke zaḳhm bhī purvā.iyoñ se ham
'zarrīñ' kyā bahāroñ ko muḌ muḌ ke dekhiye
mānūs the ḳhizāñ kī dil-āsā.iyoñ se ham
ghabra gae hain waqt ki tanhaiyon se hum
ukta chuke hain apni hi parchhaiyon se hum
saya mere wajud ki had se guzar gaya
ab ajnabi hain aap shanasaiyon se hum
ye soch kar hi KHud se muKHatib rahe sada
kya guftugu karenge tamashaiyon se hum
ab denge kya kisi ko ye jhonke bahaar ke
mangenge dil ke zaKHm bhi purwaiyon se hum
'zarrin' kya bahaaron ko muD muD ke dekhiye
manus the KHizan ki dil-asaiyon se hum
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
