ghir ke ghabraate na the hijr ke aazaron mein

Mirza Altaf Husain Alim Lucknowi

ghir ke ghabraate na the hijr ke aazaron mein

Mirza Altaf Husain Alim Lucknowi

MORE BYMirza Altaf Husain Alim Lucknowi

    ghir ke ghabrāte na the hijr ke āzāroñ meñ

    jab ki tāqat thī kabhī aap ke bīmāroñ meñ

    le ke ham dil ga.e kahte ye jafā-kāroñ meñ

    kaun letā hai ise itne ḳharīdāroñ meñ

    rihā.ī mujhe sayyād ne ai vaa.e nasīb

    daḳhl jab fasl-e-ḳhizāñ huā gulzāroñ meñ

    mere marne huā rañj har ik qaidī ko

    ki hai kohrām bapā tere giraftāroñ meñ

    dast-e-nāzuk se mujhe jaam diyā saaqī ne

    aabrū baḌh ga.ī ....aur aaj se mai-ḳhvāroñ meñ

    ātish-e-hijr se kyā Dar jo tirī marzī se

    raat kar deñge basar loT ke añgāroñ meñ

    pheñk denā na kahīñ bhuul ke hañgām-e-sahar

    dil bhī lipTā hai inhīñ sūkhe hue hāroñ meñ

    nāla-e-bulbul-e-shaidā na jise phāñd sake

    ye bulandī to nahīñ baaġh dīvāroñ meñ

    niklā vo tīr-e-nigah bhī to ye kah kar niklā

    merā dāman na ulajh jaa.e kahīñ ḳhāroñ meñ

    yuuñ sunā.ī ga.ī hai us ko ḳhabar 'ālim'

    mar gayā koī tire taaza giraftāroñ meñ

    ghir ke ghabraate na the hijr ke aazaron mein

    jab ki taqat thi kabhi aap ke bimaron mein

    le ke hum dil gae kahte ye jafa-karon mein

    kaun leta hai ise itne KHaridaron mein

    di rihai mujhe sayyaad ne ai wae nasib

    daKHl jab fasl-e-KHizan ka hua gulzaron mein

    mere marne ka hua ranj har ek qaidi ko

    ki hai kohram bapa tere giraftaron mein

    dast-e-nazuk se mujhe jam diya saqi ne

    aabru baDh gai aur aaj se mai-KHwaron mein

    aatish-e-hijr se kya Dar jo teri marzi se

    raat kar denge basar loT ke angaron mein

    phenk dena na kahin bhul ke hangam-e-sahar

    dil bhi lipTa hai inhin sukhe hue haaron mein

    nala-e-bulbul-e-shaida na jise phand sake

    ye bulandi to nahin bagh ki diwaron mein

    nikla wo tir-e-nigah bhi to ye kah kar nikla

    mera daman na ulajh jae kahin KHaron mein

    yun sunai gai hai us ko KHabar 'alim' ki

    mar gaya koi tere taza giraftaron mein

    Source :
    • Book : Intekhab-e-Kuliyat Aalim Lucknowi (Pg. 281)
    • Author : M. R. Publication
    • Publication : Mirza Mohammad Yousuf (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY