girānī-zada ḳhaak merī baḌī hai
jahāñ par paḌī thī vahīñ par aḌī hai
agar huuñ maiñ zinda to miTTī se merī
jo mar jā.ūñ to laash isī meñ gaḌī hai
ise is qadar kyoñ sambhāle rakhā hai
ye miTTī kī hāñDī to ḳhālī paḌī hai
bahut der se aa.ina hai bulātā
ḳhudī se taqābul kī aa.ī ghaḌī hai
mujhe Dar nahīñ rāhoñ kī pech-o-ḳham kā
har ik moḌ par merī qismat khaḌī hai
tū ḳhayyāt kī yuuñ malāmat na karnā
qabā kī siyāhī sitāroñ jaḌī hai
kabhī thaam le aur kabhī tū baḌhā de
'navā' yuuñ hī hāthoñ kī juḌtī kaḌī hai
girani-zada KHak meri baDi hai
jahan par paDi thi wahin par aDi hai
agar hun main zinda to miTTi se meri
jo mar jaun to lash isi mein gaDi hai
ise is qadar kyon sambhaale rakha hai
ye miTTi ki hanDi to KHali paDi hai
bahut der se aaina hai bulata
KHudi se taqabul ki aai ghaDi hai
mujhe Dar nahin rahon ki pech-o-KHam ka
har ek moD par meri qismat khaDi hai
tu KHayyat ki yun malamat na karna
qaba ki siyahi sitaron jaDi hai
kabhi tham le aur kabhi tu baDha de
'nawa' yun hi hathon ki juDti kaDi hai
Source:
Word File Mail By Salim Saleem
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
