ashk zaea ho rahe the dekh kar rota na tha

ashk zaa.e.a ho rahe the dekh kar rotā na thā

jis jagah bantā thā ronā maiñ udhar rotā na thā

sirf terī chup ne mere gaal giile kar diye

maiñ to vo huuñ jo kisī kī maut par rotā na thā

mujh pe kitne sānahe guzre par in āñkhoñ ko kyā

merā dukh ye hai ki merā ham-safar rotā na thā

maiñ ne us ke vasl meñ bhī hijr kaaTā hai kahīñ

vo mire kāñdhe pe rakh letā thā sar rotā na thā

pyaar to pahle bhī us se thā magar itnā nahīñ

tab maiñ us ko chhū to letā thā magar rotā na thā

girya-o-zārī ko bhī ik ḳhaas mausam chāhiye

merī āñkheñ dekh lo maiñ vaqt par rotā na thā

ashk zaea ho rahe the dekh kar rota na tha

jis jagah banta tha rona main udhar rota na tha

sirf teri chup ne mere gal gile kar diye

main to wo hun jo kisi ki maut par rota na tha

mujh pe kitne sanahe guzre par in aankhon ko kya

mera dukh ye hai ki mera ham-safar rota na tha

main ne us ke wasl mein bhi hijr kaTa hai kahin

wo mere kandhe pe rakh leta tha sar rota na tha

pyar to pahle bhi us se tha magar itna nahin

tab main us ko chhu to leta tha magar rota na tha

girya-o-zari ko bhi ek KHas mausam chahiye

meri aankhen dekh lo main waqt par rota na tha