ghubar-e-abr ban gaya kamal kar diya gaya

ġhubār-e-abr ban gayā kamāl kar diyā gayā

harī-bharī rutoñ ko merī shaal kar diyā gayā

qadam qadam pe kaasa le ke zindagī thī raah meñ

so jo bhī apne paas thā nikāl kar diyā gayā

maiñ zaḳhm zaḳhm ho gayā lahū vafā ko ro gayā

laḌā.ī chhiḌ ga.ī to mujh ko Dhaal kar diyā gayā

gulāb-rut kī deviyāñ nagar gulāb kar ga.iiñ

maiñ surḳh-rū huā use bhī laal kar diyā gayā

tū aa ke mujh ko dekh to ġhubār ke hisār meñ

tire firāq meñ ajiib haal kar diyā gayā

vo zahr hai fazāoñ meñ ki aadmī kī baat kyā

havā kā saañs lenā bhī muhāl kar diyā gayā

ghubar-e-abr ban gaya kamal kar diya gaya

hari-bhari ruton ko meri shaal kar diya gaya

qadam qadam pe kasa le ke zindagi thi rah mein

so jo bhi apne pas tha nikal kar diya gaya

main zaKHm zaKHm ho gaya lahu wafa ko ro gaya

laDai chhiD gai to mujh ko Dhaal kar diya gaya

gulab-rut ki dewiyan nagar gulab kar gain

main surKH-ru hua use bhi lal kar diya gaya

tu aa ke mujh ko dekh to ghubar ke hisar mein

tere firaq mein ajib haal kar diya gaya

wo zahr hai fazaon mein ki aadmi ki baat kya

hawa ka sans lena bhi muhaal kar diya gaya