guman-e-zaKHm-e-tamanna tha ab talak mujhko

gumān-e-zaḳhm-e-tamannā thā ab talak mujh ko

nahīñ hai daaġh bhī dil meñ na thī bhanak mujh ko

chalā gayā to kabhī lauT kar nahīñ aayā

pukārtā rahā ā.īna-e-falak mujh ko

ab is ko DhūñDhtā phirtā huuñ shahr o dariyā meñ

chalā gayā vo dikhā kar bas ik jhalak mujh ko

niDhāl huuñ maiñ ġham-e-dil se hosh kab hai mujhe

banā.e rakhtī hai ik huuk ik kasak mujh ko

mujhe to ishq hai phūloñ meñ sirf ḳhushbū se

bulā rahī hai kisī laala kī mahak mujh ko

naqāb uTThā to ik sho.ala sā bhaḌak uTThā

jalā ga.ī hai tire chehre kī jhamak mujh ko

taras rahā thā ujāloñ ko kab se maiñ 'māmūn'

par andhā kar ga.ī sūraj kī ik chamak mujh ko

guman-e-zaKHm-e-tamanna tha ab talak mujh ko

nahin hai dagh bhi dil mein na thi bhanak mujh ko

chala gaya to kabhi lauT kar nahin aaya

pukarta raha aaina-e-falak mujh ko

ab is ko DhunDhta phirta hun shahr o dariya mein

chala gaya wo dikha kar bas ek jhalak mujh ko

niDhaal hun main gham-e-dil se hosh kab hai mujhe

banae rakhti hai ek huk ek kasak mujh ko

mujhe to ishq hai phulon mein sirf KHushbu se

bula rahi hai kisi lala ki mahak mujh ko

naqab uTTha to ek shoala sa bhaDak uTTha

jala gai hai tere chehre ki jhamak mujh ko

taras raha tha ujalon ko kab se main 'mamun'

par andha kar gai suraj ki ek chamak mujh ko