hadse aur bhi hain shahr mein hone wale
hādse aur bhī haiñ shahr meñ hone vaale
āñsuoñ kī na kamī ho kahīñ rone vaale
zābte khel ke āsān hue jaate haiñ
ab jo taireñge vahī hoñge Dubone vaale
aisī tahzīb nazar aane lagī bachchoñ meñ
nazar aate nahīñ galiyoñ meñ khilaune vaale
merī gustāḳhiyāñ baaqī haiñ abhī thoḌī sī
tum bhī kuchh der sharāfat nahīñ khone vaale
niiñd to niiñd hai kāñToñ pe bhī aa jaatī hai
so hī jaate haiñ ki hote haiñ jo sone vaale
ab ke jo kāTnī hai fasl lahū kī 'balrāj'
ye virāsat mire ajdād haiñ bone vaale
hadse aur bhi hain shahr mein hone wale
aansuon ki na kami ho kahin rone wale
zabte khel ke aasan hue jate hain
ab jo tairenge wahi honge Dubone wale
aisi tahzib nazar aane lagi bachchon mein
nazar aate nahin galiyon mein khilaune wale
meri gustaKHiyan baqi hain abhi thoDi si
tum bhi kuchh der sharafat nahin khone wale
nind to nind hai kanTon pe bhi aa jati hai
so hi jate hain ki hote hain jo sone wale
ab ke jo kaTni hai fasl lahu ki 'balraj'
ye wirasat mere ajdad hain bone wale
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
