hadse zist ki tauqir baDha dete hain

hādse ziist kī tauqīr baḌhā dete haiñ

ai ġham-e-yār tujhe ham to duā dete haiñ

tere iḳhlās ke afsūñ tire va.adoñ ke tilism

TuuT jaate haiñ to kuchh aur mazā dete haiñ

kū-e-mahbūb se chup-chāp guzarne vaale

arsa-e-zīst meñ ik hashr uThā dete haiñ

haañ yahī ḳhāk-basar soḳhta-sāmāñ ai dost

tere qadmoñ meñ sitāroñ ko jhukā dete haiñ

sīnā-chākān-e-mohabbat ko ḳhabar hai ki nahīñ

shahr-e-ḳhūbāñ ke dar-o-bām sadā dete haiñ

ham ne us ke lab o ruḳhsār ko chhū kar dekhā

hausle aag ko gulzār banā dete haiñ

hadse zist ki tauqir baDha dete hain

ai gham-e-yar tujhe hum to dua dete hain

tere iKHlas ke afsun tere wadon ke tilism

TuT jate hain to kuchh aur maza dete hain

ku-e-mahbub se chup-chap guzarne wale

arsa-e-zist mein ek hashr uTha dete hain

han yahi KHak-basar soKHta-saman ai dost

tere qadmon mein sitaron ko jhuka dete hain

sina-chaakan-e-mohabbat ko KHabar hai ki nahin

shahr-e-KHuban ke dar-o-baam sada dete hain

hum ne us ke lab o ruKHsar ko chhu kar dekha

hausle aag ko gulzar bana dete hain