haal-e-dil main suna nahin sakta
hāl-e-dil maiñ sunā nahīñ saktā
lafz ma.anā ko pā nahīñ saktā
ishq nāzuk-mizāj hai behad
aql kā bojh uThā nahīñ saktā
hosh aarif kī hai yahī pahchān
ki ḳhudī meñ samā nahīñ saktā
poñchh saktā hai ham-nashīñ aañsū
dāġh-e-dil ko miTā nahīñ saktā
mujh ko hairat hai us kī qudrat par
alam us ko ghaTā nahīñ saktā
haal-e-dil main suna nahin sakta
lafz mana ko pa nahin sakta
ishq nazuk-mizaj hai behad
aql ka bojh uTha nahin sakta
hosh aarif ki hai yahi pahchan
ki KHudi mein sama nahin sakta
ponchh sakta hai ham-nashin aansu
dagh-e-dil ko miTa nahin sakta
mujh ko hairat hai us ki qudrat par
alam us ko ghaTa nahin sakta
Source:
Kulliyat-e-akbar (Pg. 390)
- Author: Sayed Akbar husain Akbar Allahabadi
-
- Publisher: Farid Book Depot Pvt. Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
