haalat-e-harf kis ne jaani hai

Arif Imam

haalat-e-harf kis ne jaani hai

Arif Imam

MORE BYArif Imam

    hālat-e-harf kis ne jaanī hai

    ye jahāñ ḳhūgar-e-ma.ānī hai

    kyā lage qīmat-e-qabā-e-suḳhan

    ye na.ī ho ke bhī purānī hai

    ek duniyā thii, jis ke malbe se

    ek duniyā mujhe banānī hai

    raah meñ hai badan ik dīvār

    jo mujhe nāḳhunoñ se Dhānī hai

    ye jahāñ raqs meñ nahīñ yūñhī

    sab mire ḳhuun ravānī hai

    aur kuchh din hai ye fareb-e-visāl

    aur kuchh din ye ḳhush-gumānī hai

    surḳh ho ai mirī qamīz-e-safed

    apnī qīmat mujhe baḌhānī hai

    haañ tabī.at to Thiik hai merī

    ik zarā rañj-e-rā.egānī hai

    haalat-e-harf kis ne jaani hai

    ye jahan KHugar-e-maani hai

    kya lage qimat-e-qaba-e-suKHan

    ye nai ho ke bhi purani hai

    ek duniya thi, jis ke malbe se

    ek duniya mujhe banani hai

    rah mein hai badan ki ek diwar

    jo mujhe naKHunon se Dhani hai

    ye jahan raqs mein nahin yunhi

    sab mere KHun ki rawani hai

    aur kuchh din hai ye fareb-e-visal

    aur kuchh din ye KHush-gumani hai

    surKH ho ai meri qamiz-e-safed

    apni qimat mujhe baDhani hai

    han tabiat to Thik hai meri

    ek zara ranj-e-raegani hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now