haare hue logon ki kahani ki tarah hain

haare hue logoñ kī kahānī kī tarah haiñ

ham log bhī bahte hue paanī kī tarah haiñ

duniyā tire hone kā yaqīñ kyuuñ nahīñ kartī

ham bhī to yahāñ terī nishānī kī tarah haiñ

chupke se guzarte haiñ ḳhabar bhī nahīñ hotī

din raat bhī kam-baḳht javānī kī tarah haiñ

gar naam kamānā hai tumheñ itnā samajh lo

aañsū bhī mohabbat kī nishānī kī tarah haiñ

is baar hai honā bhī na hone ke barābar

is baar to ham jaise kahānī kī tarah haiñ

haare hue logon ki kahani ki tarah hain

hum log bhi bahte hue pani ki tarah hain

duniya tere hone ka yaqin kyun nahin karti

hum bhi to yahan teri nishani ki tarah hain

chupke se guzarte hain KHabar bhi nahin hoti

din raat bhi kam-baKHt jawani ki tarah hain

gar nam kamana hai tumhein itna samajh lo

aansu bhi mohabbat ki nishani ki tarah hain

is bar hai hona bhi na hone ke barabar

is bar to hum jaise kahani ki tarah hain