hāsil-e-zabt-e-fuġhāñ nākām hai
ab to ḳhāmoshī pe bhī ilzām hai
koī āvāz-e-shikast-e-jām hai
tauba tauba har taraf kohrām hai
ye bhī faiz-e-gardish-e-ayyām hai
sub.h hai apnī na apnī shaam hai
dil huā tark-o-talab se be-niyāz
ab yahāñ ārām hī ārām hai
bahr-e-tūfāñ-ḳhez kā sāhil kahāñ
ishq kā āġhāz be-anjām hai
rañj koī shai na koī shai ḳhushī
muḳhtalif ehsās kā ik naam hai
phir kisī ne aane kā va.ada kiyā
sub.h se phir intizār-e-shām hai
shā.eroñ meñ yuuñ to apnā bhī 'figār'
naam hai lekin barā.e naam hai
hasil-e-zabt-e-fughan nakaam hai
ab to KHamoshi pe bhi ilzam hai
koi aawaz-e-shikast-e-jam hai
tauba tauba har taraf kohram hai
ye bhi faiz-e-gardish-e-ayyam hai
subh hai apni na apni sham hai
dil hua tark-o-talab se be-niyaz
ab yahan aaram hi aaram hai
bahr-e-tufan-KHez ka sahil kahan
ishq ka aaghaz be-anjam hai
ranj koi shai na koi shai KHushi
muKHtalif ehsas ka ek nam hai
phir kisi ne aane ka wada kiya
subh se phir intizar-e-sham hai
shaeron mein yun to apna bhi 'figar'
nam hai lekin barae nam hai
Source:
Harf-o-nava (Pg. 133)
-
Author:
umesh bahadur sirivasto figaar unnavi
-
- Edition: 2001
- Publisher: Figaar Unnavi
- Year of Publication: 2001
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
