aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hath malta hai pashiman-e-jafa mere baad

Talib Baghpati

hath malta hai pashiman-e-jafa mere baad

Talib Baghpati

MORE BYTalib Baghpati

    Interesting Fact

    November 1930

    haath maltā hai pashīmān-e-jafā mere baa'd

    ḳhair yuuñ baḌh ga.ī tauqīr-e-vafā mere baa'd

    ḳhud se mahjūb hai ḳhud un hayā mere baa'd

    husn maġhmūm hai ma.azūr-e-adā mere baa'd

    rañg lā.egī mirī āh-e-rasā mere baa'd

    tum mujhe yaad karoge ba-ḳhudā mere baa'd

    ho ga.e zard kaf-e-dast-e-nigārīñ afsos

    ḳhair sarsabz to hai naḳhl-e-hinā mere baa'd

    sogvārī meñ hasīnoñ ne baḌhā.e jhūle

    kitnī be-kaif hai sāvan fazā mere baa'd

    kyuuñ nadāmat se tah-e-ḳhāk gaḌā jaatā huuñ

    tum ne kis dil se mujhe yaad kiyā mere baa'd

    ab kahāñ haiñ vo lab-e-bām qamar ke jalve

    un sūrat ko tarastī hai fazā mere baa'd

    qabr par laa.e chaḌhāne ko mirī ā.īna

    yuuñ uThī mayyat-e-andāz-o-adā mere baa'd

    bhuul jaate haiñ vo ab roz lagānā mehñdī

    roz pisne ko tarastī hai hinā mere baa'd

    mar ke kyā chain mile ab ye ḳhalish hai 'tālib'

    bā-vafā ban ga.e arbāb-e-jafā mere baa'd

    hath malta hai pashiman-e-jafa mere ba'd

    KHair yun baDh gai tauqir-e-wafa mere ba'd

    KHud se mahjub hai KHud un ki haya mere ba'd

    husn maghmum hai mazur-e-ada mere ba'd

    rang laegi meri aah-e-rasa mere ba'd

    tum mujhe yaad karoge ba-KHuda mere ba'd

    ho gae zard kaf-e-dast-e-nigarin afsos

    KHair sarsabz to hai naKHl-e-hina mere ba'd

    sogwari mein hasinon ne baDhae jhule

    kitni be-kaif hai sawan ki faza mere ba'd

    kyun nadamat se tah-e-KHak gaDa jata hun

    tum ne kis dil se mujhe yaad kiya mere ba'd

    ab kahan hain wo lab-e-baam qamar ke jalwe

    un ki surat ko tarasti hai faza mere ba'd

    qabr par lae chaDhane ko meri aaina

    yun uThi mayyat-e-andaz-o-ada mere ba'd

    bhul jate hain wo ab roz lagana mehndi

    roz pisne ko tarasti hai hina mere ba'd

    mar ke kya chain mile ab ye KHalish hai 'talib'

    ba-wafa ban gae arbab-e-jafa mere ba'd

    Source:

    Shakh-e-Nabat (Pg. 215)

    • Author: Talib Baghpati
      • Publisher: Munshi Har Parshad
      • Year of Publication: 1936
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now