habs talluqat mein dur na ja idhar udhar
habs ta.alluqāt meñ duur na jā idhar udhar
ġhair havā nahīñ ki bas chuum liyā idhar udhar
dekh rahī hai kisht-e-dil ashkoñ kī bevafā.iyāñ
ab ke baras baras ga.ī saarī ghaTā idhar udhar
jaan mirī shikast se shor tirā hai har taraf
saath mire bikhar ga.ī merī navā idhar udhar
dil ko mire tirā ye shauq tujh se bhī thā azīz-tar
terī galī ke ās-pās maiñ jo rahā idhar udhar
dekhiye kab kahāñ koī kaise ise uchhāl de
sikka-e-vaqt par haiñ naqsh shāh-o-gadā idhar udhar
raah meñ ruk ke kis liye pūchheñ kisī se rāsta
ḳhvāb kā ye safar hai aur ḳhvāb meñ kiyā idhar udhar
hosh jo thā so ek umr mujh ko kahīñ na le gayā
kam to nahīñ ki le gayā us kā nasha idhar udhar
habs talluqat mein dur na ja idhar udhar
ghair hawa nahin ki bas chum liya idhar udhar
dekh rahi hai kisht-e-dil ashkon ki bewafaiyan
ab ke baras baras gai sari ghaTa idhar udhar
jaan meri shikast se shor tera hai har taraf
sath mere bikhar gai meri nawa idhar udhar
dil ko mere tera ye shauq tujh se bhi tha aziz-tar
teri gali ke aas-pas main jo raha idhar udhar
dekhiye kab kahan koi kaise ise uchhaal de
sikka-e-waqt par hain naqsh shah-o-gada idhar udhar
rah mein ruk ke kis liye puchhen kisi se rasta
KHwab ka ye safar hai aur KHwab mein kiya idhar udhar
hosh jo tha so ek umr mujh ko kahin na le gaya
kam to nahin ki le gaya us ka nasha idhar udhar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
