hadis-e-dil bayan karne mein kitni der lagti hai
hadīs-e-dil bayāñ karne meñ kitnī der lagtī hai
kisī ko rāzdāñ karne meñ kitnī der lagtī hai
koī hai jis ke dil meñ aaj tak ham ghar na kar paa.e
kisī ko mehrbāñ karne meñ kitnī der lagtī hai
vo jādūgar kī sūrat jhuuT ko sach kar dikhāte haiñ
kisī ko bad-gumāñ karne meñ kitnī der lagtī hai
koī to kashmakash hai dil meñ shāyad hashr hai barpā
dulhan ko varna haañ karne meñ kitnī der lagtī hai
kisī beva ke dil se ye haqīqat pūchhiye jā kar
ki bachchoñ ko javāñ karne meñ kitnī der lagtī hai
bulandī khā ga.ī merī javānī tum ye kahte ho
zamīñ ko āsmāñ karne meñ kitnī der lagtī
agar ye dil sitamgar ko sitamgar maan le 'tālib'
to dil ko ham-zabāñ karne meñ kitnī der lagtī hai
hadis-e-dil bayan karne mein kitni der lagti hai
kisi ko raazdan karne mein kitni der lagti hai
koi hai jis ke dil mein aaj tak hum ghar na kar pae
kisi ko mehrban karne mein kitni der lagti hai
wo jadugar ki surat jhuT ko sach kar dikhate hain
kisi ko bad-guman karne mein kitni der lagti hai
koi to kashmakash hai dil mein shayad hashr hai barpa
dulhan ko warna han karne mein kitni der lagti hai
kisi bewa ke dil se ye haqiqat puchhiye ja kar
ki bachchon ko jawan karne mein kitni der lagti hai
bulandi kha gai meri jawani tum ye kahte ho
zamin ko aasman karne mein kitni der lagti
agar ye dil sitamgar ko sitamgar man le 'talib'
to dil ko ham-zaban karne mein kitni der lagti hai
Source:
Almaas (Pg. 60)
- Author: Ayaz Ahmad Talib
-
- Edition: 2010
- Publisher: Ayaz Ahmad Talib
- Year of Publication: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
