hadis-e-talKHi-e-ayyam se taklif hoti hai
hadīs-e-talḳhī-e-ayyām se taklīf hotī hai
sahar vāloñ ko zikr-e-shām se taklīf hotī hai
vahī kāfir ki jis kā naam taskīn-e-dil-o-jāñ thā
sitam hai ab usī ke naam se taklīf hotī hai
maqām aisā bhī aatā hai guzargāh-e-mohabbat meñ
musāfir ko jahāñ ārām se taklīf hotī hai
shikast-e-dil kī manzil se agar guzre to kyā hogā
abhī tum ko shikast-e-jām se taklīf hotī hai
'hafīz' ahl-e-gulistāñ se hamārā haal mat kahnā
unheñ zikr-e-asīr-e-dām se taklīf hotī hai
hadis-e-talKHi-e-ayyam se taklif hoti hai
sahar walon ko zikr-e-sham se taklif hoti hai
wahi kafir ki jis ka nam taskin-e-dil-o-jaan tha
sitam hai ab usi ke nam se taklif hoti hai
maqam aisa bhi aata hai guzargah-e-mohabbat mein
musafir ko jahan aaram se taklif hoti hai
shikast-e-dil ki manzil se agar guzre to kya hoga
abhi tum ko shikast-e-jam se taklif hoti hai
'hafiz' ahl-e-gulistan se hamara haal mat kahna
unhen zikr-e-asir-e-dam se taklif hoti hai
Source:
Safeer-e-shar-e-dil (Pg. 86)
- Author: Hafeez Banarsi
-
- Edition: 2007
- Publisher: Hafeez Banarsi
- Year of Publication: 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
