hai ghalat gar tere danton ko kahun tare hain

hai ġhalat gar tire dāñtoñ ko kahūñ taare haiñ

ki dahan mus.haf-e-nātiq hai ye sīpāre haiñ

apnī hastī meñ to āsār-e-fanā saare haiñ

shaam ko zarre haiñ aur sub.h ko ham taare haiñ

kyā hī harjā.ī hasīnān-e-jahāñ saare haiñ

ye vo aḳhtar haiñ ki sābit nahīñ sayyāre haiñ

zā.iqa hoñToñ kā badlegā na missī maliye

hoñgī ye qand siyah ab to shakar-pāre haiñ

bādshāhoñ kī tarah phirte haiñ Dañke dete

ḳhār-e-pā chob haiñ aur aable naqqāre haiñ

chhup chale haiñ ḳhat-e-shab-rañg se ruḳhsār-e-sabīh

din hai kam shaam ke āsār ayaañ saare haiñ

sāġhar-e-chashm ke sau dene paḌeñge bose

shīsha-e-dil kabhī toḌā to ye kaffāre haiñ

ḳhat pe ḳhat roz bahā kar use pahuñchāte haiñ

ashk kaahe ko haiñ ye Daak ke harkāre haiñ

aab jaarī kiyā e.ajāz se ai bahr-e-karam

uñgliyāñ kaahe ko haiñ nuur ke favvāre haiñ

mus.haf-e-ruḳh ko vo dikhlā.eñ agar tīsoñ din

na.ī phabtī mujhe sūjhī kahūñ sīpāre haiñ

haath agar chhūne se jal jaa.e yad-e-baizā ho

la.al-e-lab us but-e-kāfir ke vo añgāre haiñ

rauñgTe kab haiñ in ā.īnoñ meñ haiñ paḌ ga.e baal

haath zaanū pe kabhī yaar ne de maare haiñ

pusht par hai jo sipar ḳham hue ho teġh kī tarah

chaar phuul us ke tumheñ phūloñ ke pushtāre haiñ

rū-ba-rū rahtī hai tasvīr-e-tasavvur shab-o-roz

ab to be-minnat-e-ḳhalq aap ke nazzāre haiñ

dekh kar tujh ko hasīñ kaTte haiñ bhūle haiñ banāv

kañghiyāñ karte nahīñ sar pe ravāñ aare haiñ

dil pe jo guzrī ḳhabar ashkoñ ne dī aa ke 'vazīr'

lā.eq-e-ḳhil.at-e-rūmāl ye harkāre haiñ

hai ghalat gar tere danton ko kahun tare hain

ki dahan mushaf-e-natiq hai ye sipare hain

apni hasti mein to aasar-e-fana sare hain

sham ko zarre hain aur subh ko hum tare hain

kya hi harjai hasinan-e-jahan sare hain

ye wo aKHtar hain ki sabit nahin sayyare hain

zaiqa honTon ka badlega na missi maliye

hongi ye qand siyah ab to shakar-pare hain

baadshahon ki tarah phirte hain Danke dete

KHar-e-pa chob hain aur aable naqqare hain

chhup chale hain KHat-e-shab-rang se ruKHsar-e-sabih

din hai kam sham ke aasar ayan sare hain

saghar-e-chashm ke sau dene paDenge bose

shisha-e-dil kabhi toDa to ye kaffare hain

KHat pe KHat roz baha kar use pahunchate hain

ashk kahe ko hain ye Dak ke harkare hain

aab jari kiya eajaz se ai bahr-e-karam

ungliyan kahe ko hain nur ke fawware hain

mushaf-e-ruKH ko wo dikhlaen agar tison din

nai phabti mujhe sujhi kahun sipare hain

hath agar chhune se jal jae yad-e-baiza ho

lal-e-lab us but-e-kafir ke wo angare hain

raungTe kab hain in aainon mein hain paD gae baal

hath zanu pe kabhi yar ne de mare hain

pusht par hai jo sipar KHam hue ho tegh ki tarah

chaar phul us ke tumhein phulon ke pushtare hain

ru-ba-ru rahti hai taswir-e-tasawwur shab-o-roz

ab to be-minnat-e-KHalq aap ke nazzare hain

dekh kar tujh ko hasin kaTte hain bhule hain banaw

kanghiyan karte nahin sar pe rawan aare hain

dil pe jo guzri KHabar ashkon ne di aa ke 'wazir'

laeq-e-KHilat-e-rumal ye harkare hain